عــايز حـــقي

باكره اكون كئيب ..

عشان مكاني اكون سعيد ..


لكن غصب عني ..



من حقي اعيش ..

من حقي اتنفس هوا نقي ..

من حقي افرح ..

من حقي اتعلم ..

من حقي احلم ..

واحقق احلامي كمان ..

من حقي ادوس علي رقبه اللي يظلمني ..

من حقي اصرخ ..

من حقي ابكي ..

من حقي اغضب ..

من حقي ابقا انا ..

من حقي ادور علي نفسي ..

بخاف علي ناس كتير ومحدش بيخاف عليا ..

بخاف اجرح حد ..

عشان عارف ان الانسان مهما كان ..

مجرد قلب ..

الكلمة تكسره وتهرسه ..

ومحدش بيخاف علي قلبي ..

من اعاطاني قلبا وحبا ..

لايستحق ان اغرس في قلبه سهم دامي ..






عايش اسير جوا نفسي .. وجوا وطني ..

ولازم افك اسري ..

من حقي ابقي حر ..

عايز حقي ..

حقي اللي بلعته الدنيا ..

حقي مش عارف عنوانه ..

حقي مش فاكر مكانه ..

حقي ربنا اداهوني ..

والدنيا خدته مني ..

حقي خايف ملقاهوش ..

ويطلع حلمي علي فاشوش ..

ياللي حاولت تكتفني..

يالي سخرت مني ومن كلامي ..

طظ فيك ..

عشان انا عارف ان دائك فيك

لو بطلت حقد ..

جايز تلاقيلك ارض ..

تزرعها وتحصدها ..

وتعيش عليها سعيد ..

مش عايز افتكر امبارح ..

وببص قدام ..

عشان حلمي قدامي ..

ومش طايله ...

ومش ههدي الا لما اطوله ..


يادنيا .. بأمدلك ايدي ..

اديني حقي ..

انا مش عايز ابقا احسن حد ف الدنيا ..

انا عايز حقي وبس ..

بحبك حلم علي قدي ..

معاكى بضحك بصوت عالى

ومش خايف وانا عارف

قلبك من الحزن مش خالى

معاكى بيفرحنى صوتك الهامس

اسرح لما نتهامس

فى صوتنا لما يتلامس

ويسرقنى نغم هامس

ويحلالى

معاكى واحبك شمس فى بردى

تغطينى بالدفا الوردى

بحبك حلم على قدى

يااغلى يا اغلى ماعندى

وادى حالى

معاكى